بدي نبيد الظلم بحاله 
إيد تبني و إيد تعمر
نفسي نحطم كل آماله 
نمحيه على أد م نقدر 
نفسي أعلم روحي حاجات 
فيها كلام حلو مفسر
 أكتب شعر يوشوش حرفي 
يرقص يلعب ويتمخطر 
نفسي أسابق كل العالم 
من غير دمي م يتهدر 
نفسي العقل العربي يفتح
 نفسي حلمي بقى يتحرر 
أرقص بدري مع العصافير 
والغربان جنبي تتحير 
نفسي ف قلة وسط الدار 
أروي بيها عطشى واكركر 
الضم خيطي من خير وطني 
أغزل أجمل توب بينور
نفسي العاصي يتوب لله 
وف ملكوت الله يتدبر
أضحك ضحكة هناك ف الوادي

اللي ف سيوة منها يسكر 
نفسي قمري ليا ينادي
شمس الكون وياه تكبر
#بدي_مابدك_يمكن_أكتر 
ابراهيم بدر عبدالله