ليه  مجتـش  تعـــزيني
ليه  مجتــش  تـواسيني
ليه  مصعبش  عليــــك 
دمعــة عيـنى
ليه  محستـش  بسكنتك 
وهى بتقطعني
ليه   محستش  بجـرحك
وهو بيمزعني
روح  وسبـني ف  حـــالى 
انا اللــي فيـــا م كفيـنى
جـــاي تعــــيد  الماضى
وبناره تكويني
ولاجاى بعد  اللي  شوفته
منك ، بكلمتين تراضينى
ولا جــاى علي موت قلبى
مـــن ظلمــــك  تهنيـني
ولاجاي على نفسك وعايز
تقضي الواجـب وتدعينى
صعــب ترجـــع  اللي كان
بعـد م قلبـك باع وخــان
بعـــد م خليــت حبنـــا
وهـــم ســـراب   دخــــان
انا كبرت  وفوقت  خـلاص
مش  كلــمه   هـ   تجبـني 
وكلمه هتــــوديني
ولا  ضحكه  هـ   تفـرحنى
ولا لمسه هتنسيني
واقفه  هنــاك   بتستـناك
روح لهـــا 
انا  منفعــــش   اعيــــش 
تانى وياك
ولا هتقدر تحـيي  حنيني
صعـب تصلــح اللي اتكسر
انا قلـبي جـــوايا بيتعصر
كان نفســـي احس مره انك
بتحبنى وشارينى
كان نفســـي اسمــــع منك
كلمـــه حلــــوه  تكفيـني
كان نفسي احس مره
انك زي البشر وقت الخـطر
هـ تخـاف عليه وتحميـني
لكن لقيتك  قــــدر 
مكتوب علي جبيني
وكل محـاول انسي قسـوتك
تفكرني بالماضى وتبكيني
بقلـمي// صـابر الطــوخي