سيدنا الشيخ 
جرى ايه يا سيدنا الشيخ 
شاخ الكلام عالشيب 
يابو عمَه طول السما 
و الكرش ذيى الجيب 
الرقص ولا الغنا 
أنهو اللى فيهم عيب 
و نعيب على اللى اتسرق 
و اللى سرق مش عيب 
و ندوس على اللى اتحرم 
من حقه و نسيبه 
و اللى فى بحر الغرق 
بيموت و هنسيبه 
و نصلى عاللى انقتل 
و اللى قتل سيده 
جرى ايه يا سيدنا الشيخ 
يا امامنا فى الجامع 
الناس بتصرخ ليه 
ولا انت مش سامع 
فى الحكمه قال و المثل 
يبقى اتعمى يا خال 
اللى يكون منَنا 
و ميشوفشى م الغربال 
هتصلَى بينا العشا 
ولا هتتعشى 
هنختم احنا الصلا 
وانت بتتمشى 
    بقلمى \ محمد العربى