رسالة مواطن 
كلمه يا سيادة الرئيس
أنا اللى خلَيتك رئيس 
عشان شيلتك على كتافى 
و شجعتك و آييدتك 
و جبت اصحابى و اخواتى 
ورحت جريت على ولادى 
بنتعب لجل نهتفلك 
و تبقى سيادة الريس 
كده كويس 
مش انت و عدتنا سيادتك 
هيبقى جميل و فى رقبتك 
هتسمع شكوة المظلوم 
و تهدى الفرحه للمحروم 
و تسعد قلب كل فقير 
و نتسابق لفعل الخير 
ونلبس توب من العزه 
و نرفع راسنا بالهيبه 
نمد ايدينا لاخواتنا 
ندوس عالذل و العيبه 
و يبقى شرفنا كلمتنا 
و كل الدنيا سمعتنا   
مدام بالعزم و الهمه 
هتبقى البركه فى اللمه 
جزيل الشكر لسيادتك 
و آسف انى أزعجتك 
أنا مواطن بسيط غلبان 
و متعشم رضا سيادتك 
بقلمى \ محمد العربى