بقلم عادل عبدالغني عبد الحميد 
كانت هنآك 
كانت هنآك 
  نفس الشوارع والاماكن والحدود
كانت هنآك 
نفس الجناين والبستان والورود
كانت هنآك 
نفس الدموع والشموع والوعود
كانت هنآك 
كنا بنعزف سوا لحن الخلود
كانت هنآك 
لكن مات حبنا من الوجود
كانت هنآك 
وابتدى الناى الحزين غنوته 
كانت هنآك 
وكسر زمانى شجن العود
كانت هنآك 
كنا راسمين قلبنا على غصن شجره
كنا حالمين بحبنا على ضى قمره 
كنا شايفين بعينينا فرحنا يكره 
اتقتل الحلم وماتت كل فكره
لكن يا قلبى العذاب خلاص دواك 
كانت هنآك 
الليله فى شارعنا فرح والكل بيهنى 
خلاص هافارقه غصب عنه وعنى 
كان حلمه يكمل معايا ولا يفارقنى
لكن خلاص انتهت يا قلبى صبرنى 
لازم أروح اهنئ اللى قتلنى 
لما خد حبيبتي خلاص بعيد عنى
جاى حبيبتي اودعك وداع يؤلمني 
أمد أيدى لك وخايف عينك تظلمنى
خايف تقولي ليه فارقت حضنى 
أنا كنت عايزاك فى قلبى وجنبى 
كنت حارب عشانى واليك رجعنى 
ليه تركتنى اعانى وليه تضيعنى 
خلاص حبيبى انتهت
              وانتهى بينا زمن 
شايفه عينيك بكت
               وقلبى معاك اتدفن 
مش لابسه فستان 
               من غيرك لابسه كفن
خلاص فات الاوان 
               واحنا بندفع التمن
ده حكم الزمان
                يموت حبنا زمن
أرجع حبيبى خلاص
               مات لنا كل امل 
ومشيت بعيد قبل يشوفو جرح هواك
ودعت حبيبي اللى عشت فرحى معاك
ورجعت تاتى مكان الذكريات مكان ما
كانت هناك