صوت مكتوم
@@@@@@
أصرخ بصوت مكتوم
صرخه تهز الحجر
و لا عيني شافت نوم
والدمع زي المطر
و لا حد جاني ف يوم
يرفع بإيده الخطر
و لا قلت انا مظلوم
و لا شفت مره الاطر
و لا يوم عملت هجوم
و لا مره قلبي غدر
غرقان ف بحر هموم
آه يا زمان العبر
تدوس علي المظلوم
وتخفي حتي الخبر
قالوا الرضا مقسوم
إوعاك تلوم القدر
إوعي تكون مهزوم
واصبر لحد الكِبَر
والدنيا فيها علوم
جايين عشان نختَبر
والشاطر اللي يعوم
علي أد مد البصر
يصبر لآخر يوم
علي أد صبره إنتصر
أصل الطريق مرسوم
علي جبين البشر
أصرخ بصوت مكتوم
صرخه تهز الحجر
قلت الكلام مفهوم
طب واللي قلبه إتعسر
و لا قلت انا مظلوم
و لا شفت مره الاطر
والسكه فيها غيوم
و لا مره شفت القمر
مكتوب عليا اللوم
مالي عيون البشر
أصحي ونام محروم
حزين وقلبي إنكسر
أصرخ وانا المكتوم
رايح إلي المنحَضر
مستني يجي اليوم
أضحك ف وش القمر
وارفع إيدايا واعوم
و لا مره احس بخطر
واسمع هتاف القوم
بيقولوا عدي وعبر
أصرخ بصوت مكتوم
صرخه تهز الحجر
@@@@@@
بقلم // طه إبراهيم
