بقلم عادل عبدالغني عبد الحميد
أميرة الدنيا
حبيبتى بين ايديها مليون قمر
وبين عينيها ألف قلب وألف دار
هى أجمل لحن بيعزف على الوتر
وبين رموشها شمس حالمة بالنهار
على خدودها أجمل ندى ومطر
وفى قلبها تعرف معنى الإنتصار
يحبها كل انسان كان او بشر
مالكه كل التأريخ وكل الديار
زى عصفور بيغرد على الشجر
تعشقها دايما بدون اى إختيار
عاشقك حبيبتي بالمفيد والمختصر
لو حد جرحك أقلب الكون دمار
جوه عينيكى أنا عاشق سفر
ووسط علمك شايف الحياه والاحتضار
فداكى عمرى يا أغلى من البشر
اموت مكانك ولا ألمح فيكى انكسار
تحب ناسها وسط الريف والحضر
وفى يعدها طعم أصعب من المرار
فداكى أنا يا امى
فداكى عمرى ودمى
تعيشى أنتى
واسكن أنا قبري
ابنك حبيبتي وعايش عشانك
اموت ولا يوم يتوه مكانك
لو الأيام جايه فوق احتمالك
احنا فداكى ما احنا ولادك
حبيبتي انتى عندي كل الحياه
ضحكه عينيكى لقلبى دواه
وهاكمل المشوار لمنتهاه
وترابك إنتى اموت أنا فداه
لو التاريخ مش فاكر غير الغزاه
ابنك يرجع لقلبك صباه
دمى فداكى ده ركن وصلاه
يا مصر
يا مصر
يا مصر
يا مصر
اطمنى حبيبتي اياكى يوم تخافى
ما انتى امى عارفه كل اوصافى
ارتاحى إنتى وارمى على اكتافى
راحتك انتى لى أنا بلسم شافى
غيرك ما أحب ده معاكى اعترافى
حبيتى حبى ليكى
فوق الخيال
من قدها فى الدنيا
بنفس الجمال
أحب غيرك أنتى
أهو ده المحال
جوه حضنك أنا
بسال سؤال
تكرهينى يوم
ولا استحال
سؤال غريب
لكن سؤال
ما إنتى أمى
واحنا عيال
بتفرحى
لو دمى سأل
لكن جرحك
صعب المنال
لو حد لمسك
ببدء نزال
وليكى دايما
يبدء نضال
أميرة الدنيا انتى من نيلك اشرب
لو حد يهوى نهايتك
نهايته اقرب
لو مش مصدق
خليه يجرب
من كل مر وعلقم
على ايدى يشرب
امى حبيبتى بلدى نامى مكانك
اياكى وأنا موجودة تخافى زمانك
اموت فداكى ولا تلمسك احزانك
ولا عمر ابنك ابدا يرضى بهوانك
حبيبتى
مصر
أميرة الدنيا
تمت
بقلم عادل عبدالغني عبد الحميد
