#كنت_صغير
كنت صغير صفحة بيضا 
مش عارف للدنيا هموم
ولا كانت الخلق مريضة 
كنت بصحي الفجر بحسي 
كنت بلاغي النجمة بهمسي 
حتى تراب الأرض صاحبني 
حتى صباحي كان من امسي 
كنت ببلبط تحت المطرة
 وارسم قلب ف قلب الماية 
لما بتسرح بيا القمرة
 صاحبي العاقل والعبيط 
زي الوردة جوا الغيط
ولا كنتش أيامها مفتح
 ولا كنتش أيامها حويط 
كنت بعبي الشمس ف كمي
 والضحكة م تفارق فمي 
والعب عقلة مع الجنية 
كانت قارية افراحي وهمي 
كنت صغير زي أحلامي 
زي القمحة جوا العود 
الفرحة كانت قدامي
نهاري وليلي كانوا شهود 
لما كبرت الهم شغلني 
كل حاجة بقالها حدود
زي كابوس قاعد يحايلني 
رايح للتربة وللدود 
ابراهيم بدر عبدالله