#عروسة_النيل
بموت ألف مرة
 لجل... تعيشي
عشانك يا سمرة 
بضحي. ...بعيشي
بصلي وراكي وبقتدي بيكي 
دي نارك دي جنة  
يا أم محمد وخالد وحنا
يا أم المعاني
يا مية ألف معنى 
وقال الإله بأنك أمانا 
وحضنك يابلدي 
دا أكبر آمالنا 
يانبع... الحنان 
يا أحلام عيالنا
تعادي الجبان وتكيدي العدا 
وشمسك دايما متجددة 
وأرواحنا لجلك متجندة 
وقللك .....تبقلل
وتروي ....العطشانين
وجيشك دا باسل
 وحارس...... أمين
وبحلف... يمين 
بأنك أمانة ف رقبتي 
وهقطع ايد أي خاين لعين
يغني القمر 
في ليل الحواري 
ونيلك.... بيرقص  
بخيره اللي جاري
يادمعة ....غلابة 
ونور الكفيف 
أنا اللي بخيرك
راضي ...وعفيف 
يا منبع طيبيتنا
 يا قوة الضعيف 
بتمحي الغيلان
 وتحمي.... الشريف
ابراهيم بدر عبدالله