ناس وناس 
****************
ناس رايحه 
 وناس جايه
 وناس عايشه 
ومش عايشه
 وأهى ماشيه
 وناس عارفه
 ومش عارفه
 والله معاهم 
 ما هى فارقه
 وناس تحسها رايقه
 وقلوبها بالهموم فايقه
 وأهى ماشيه
 وناس للحب مشتاقه 
 وناس بالكره سباقه 
 أنا فايق ومش رايق 
 بأشوف الضحكه 
 ماشيه تتعايق
 ومش فارق 
 وأهي ماشيه
 وناس أخلاقها سباقه
 وناس تايهه بتتلاقي 
 وناس تحبك عشان شخصك 
 وناس تحبك عشان جاهك
 وناس تحقد وناس تحسد
 وناس ترسم تكون حاجه
 وهى فى الاصل ولا حاجه
 وعجبي 
 بقلمى الشاعره لبنى محمد 
5-4-2016