أنا موجوعة      بقلم اميرة مجدي
أنا موجوعة 
جوه ضلوعي انين وحنين
أنا موجوعة
وصرخة حزينة تقول أنا مين
تايهة وضايعة
بين الحلم وراي العين
حاسة بلوعة
واجعة القلب وباكية العين
نفسي اعيش
ويا الفرح ولو ساعتين
نفسي أكون 
زي الطفلة بريئة وصافية
نفسي اطير
زي فراشة ويا النسمة
هو كثير
اني اعيش مع حلم جميل
حلم بسيط
فيه الفرحة وكام قنديل
وسط الضلمة
اسير علي نوره وامشي طريقي
وسط الزحمة
الاقي مكاني وانجي غريقي
نفسي اعيش 
ويا الفرحة ولو أيام
واسعد قلبي
ويا حبيب ويا الأحلام
بس الظاهر
ان الفرحة كثيرة عليا
وان الدمعه
لازم تفضل مالية عنيا
أنا موجوعة