بنده على روحي 
وروحي مش ملكي
بملك أنا جروحي 
ودموعي لما ابكي 
قلبي يقول لعيوني 
ارجوكي لا تحكي
وعيوني مش مالكة
غير إنها.....تشكي
بنده على... عمري
وانا عمري راح مني 
سلمت انا.....أمري
وأنا أمري.. هملني 
سابني وراح  لبعيد
والبعد.......جنني
بعدي فاكرني سعيد
والسعد....خاصمني 
 تحكي عيوني هموم
 وتلاغي ليل حيران
أنا حاجزة شمسي غيوم
أنا نجمي مش بيبان
بحكي لليل.. مشؤوم
والقلب داب.. دوبان
دا من الحبيب محروم
أنا قلبي بيه هيمان
الناس همومها... يوم
وانا ماشي مع الزمان
ابراهيم بدر عبدالله

 

المصدر: بقلم الشاعر // ابراهيم بدر //بنده علي روحي
  • Currently 0/5 Stars.
  • 1 2 3 4 5
0 تصويتات / 60 مشاهدة
نشرت فى 3 إبريل 2016 بواسطة Cleobatra

عدد زيارات الموقع

114,176