خيال؟!! لأ مش خيال
دا جمال فوق الجمال
بحس بيه وأحن ليه
وده حالي حتى الزوال
******
بعيون أجمل عيون
دباحة فيها الجفون
لو مرة تنظر إليَّ
بتروح مني الظنون
******
ورموش سارحة في وشوش
تحميلي قلبي برتوش
بتدارى حب وحنان
وتنادي نور الشموس
******
تنهيد صوته دفا
وآهات حب ووفا
إحساس عالى وغالي
وأصفى من الصفا
*******
مش معقولة ملاك؟!!!
ولا فيه مخلوق سواك
يملك قلبي وروحي
ولا يعلى على هواك
********
كل لما أمدح واغني
جمالك يغني عني
ولا قادر أوصف وأعبر
ولا قادر أخدك في حضني
*******
يكفيني كلمة واحدة
بيها أفرح واهدى
وتواسيني في ليلي
لو عمري جرى وعدي
لو عمري جرى وعدى
لو عمري...
جرى...
وعدى