**وكالعاده**
وكالعاده نعيش نحلم
ياخدنا الحلم بزياده
ونسرح ويّا افكارنا
ورى شموعها اللى متقاده
تاخدنا بعيييد تطوّحنا
ونصحى لصوره متعاده
,;وكالعاده
نشوف القهوة بالسكّر
نحس بطعمها ساده
وطعم المر بيعبّر
هموم الدنيا ولّاده
مفيش تنظيم لانجابها
ولا مناعه لها سياده
,;وكالعاده
نشوف الدنيا سواسيّه
لافيها عبيد ولا ساده
ونلقى الحلم كان كاذب
لناس بالطبع جلّاده
مهى غابه وفيها وحوش
حالات القتل معتاده
,;وكالعاده
بنحلم باللى كان ماضى
بقلب فاتوس وسجّاده
نشوف الكلمة مرتاحه
ببسمه لضلمه وقّاده
ولمّه جميله بتنوّر
ونلقى الفرحه ودّاده
وكلعاده
نفوق على دنيا ملعونه
ومجنونه وميّاده
نعيد الحلم ونكرر
مع الايام على وساده
لحين احلامنا تتفسر
بنزرع شجره مدّاده
ونكتم همّنا فينا
نغطى عليه ب جلّاده
وكالعاده
*****
عبدالله ابو النجا