تحيه عرفان وتقدير لكل من استشهد فداء لتراب هذا الوطن ....
#########
ايه يا ابو محمد .
الواد مجاشي ليه ..
اديله ست شهور .
هو جرا له ايه ..
هو مش فيه يااخويا .
عندهم اجازات .
نفسي اشوفه مره .
ولا ابني يااخويا مات ؟..
جلبي بيجولي اني .
مش هشوفو تاني .
وانه حصل اخوه .
وهيجدد احزاني ..
...............
يا ام محمد اتفائلي .
يانن عيني خير ..
بكره هروح اسآل .
في المعسكر عليه ..
واشوفه بنفسي .
واعرف فين اراضيه ..
............ .... ...........
انا ابومحمد .
ابني محمد فين ؟..
عايز اشوفه ياولدي .
واطمن عليه ..
اديله فتره كبيره .
ما نعرف فين اراضيه ..
وامه ياولدي عامله .
البيت حدانا مناحه .
من يوم موت اخوه .
ماشفنا يوم راحه ..
........................
ياابو محمد ابنك .
راح ولا جاشي ..
رصاصه غدر طايشه .
من كلب مايسواشي ..
ابنك يا ابويا .
شهيد هنا راجل ..
مات سلاحه بيده .
اسد ع الحدود رابض ..
والنبي يا ابويا ماتحزن .
ولا تبكي عنيك عليه ..
اخويا محمد شهيد .
فدا وطنه واراضيه ..
وجول لامي ما تبكي .
محمد في الجنه عايش .
وانا نفسي اروح له ياامي .
واكون زيه شهيد ..
وفي جنه ربي اعيش .
حي ارزق شهيد ..
والنبي ياامي ما تبكي .
دا تراب وطني غالي ..
فداه دم اخويا .
وكل رخيص وغالي   ..
كل رخيص وغالي ..
              فتحي وجيه 
             6/10/2015