خواطر بعنوان  :
( ابودومة اتجوز عدلات  ):
ابودومة اتجوز عدلات ... خلف منها ولاد وبنات 
راح يشتكى للست كريمة ...عملت له من البحر طحينة
قال ده انا راجل وبشنبات .. وازاى اتحدى الازمات 
والمرتب بالخصومات ...اهه على يدك عدى وفات 
هعمل ايه ان عيل قالى  ...نفسى يابابا اروح بلاجات 
الواد الصغير قال ايه عايز .. شيكولاته زى اخواته البنات 
انا كان مالى ومال عدلات .   ايه اللى رمانى على المر وهات 
ارحمونى من عدلات ...عصر الخلفة ده عدى وفات
لكن مراتى دقة قديمة .. وقال ايه فاهمة وكمان فاهيمة 
وتقول خالتى نفسفس فيسة ...عندها عشرة غير الواد بيسة
مش شيفانى ازاى ماشى .. اجر فى نفسى واشد فى راسى
اهه ده نصيبى وفى ارابيزى ..لازم اخلص روحى واعيش 
كان اليوم بيعدى علينا .. خناق ودوشة ومر يانينة
هى تقول لى هات وانا اقول ..منين ياحرمنا المصون 
انا عاد حيلتى حاجة ياابلة . غير تمن الطلبات والاجرة
حاولت اشتكى لبابا ضياء .. كان رده عليا دهاء 
محمد عباس معلم الاسماعيلية