ابشروا من الله بعذاب
بيستخف العدل بينا ولا شارب سطل وسكى
ولا احنا اللى ضميرنا منا راح وخدله تكسى
ولا خوف وجبن فينا وبالرجوله شكله مكسى
لما قاضى عدل يحكم على طفل بالامأبد
وكله راضى وبس ساكت ولكلامه بيمجد
بكره يجى الدور عليك ولدينك راح تسدد
مين يصدق ابن عام يقتل جماعه
ولا كلب يقل اصله يعض صاحبه لو مجاعه
ابشروا من الله بعذاب والغلا ومعاه خراب
ياللى طاطيتوا رؤاسكم ودفنتوها فى تراب
ابشروا جاى الطوفان جاى يكنس المكان
ياللى بيعتوا كل شىء والضمير كان بضاعه
....................................
الف مهلل والف مطبل
ماشى فى  زفه بعبطه يهبل
واللى بيكتب واللى يمجد
علشان كرسى يكون متنجد
فعلا شىء يا خلق يخبل
ورغم الجهل الساكن فينا 
لكن فينا عيال تتشدد
ابن العام والنصف استرجل
ساب الرضعه وقام بسرعه
وجاب سلاحه ونشن سدد
فعلا شىء يا خلق يخبل
صدق لما يقولك قاتل 
صدق لما يقولوا ماشى عافيه
شوفته قبل ابوه ما يجيبه
كان فى الغيب متزعم مافيا
واوعى تكذب اهل العدل
اصل العدل جاتلوا الكافيه
وعشان كرسى يكون متنجد
اهل الكذب كثير بتعدد 
الف قضيه ليها تحدد 
غذب وعافيه
وناس بتهلل وناس بطبل 
علشان كرسى يكون متنجد
بقلم محمد البلاط