الشاعر المصري / احمد ابراهيم
**************************
في قصيدة ( قضبان حديد )
***********************
جرح الزمن والعمر جاري
 فى قطر قلبه م الحديد
شاب الامل والليل 
بيسكن ع الطريق ومصاحبه
 قضبانه الحديد
صرخة فى صوت 
مجروح بيبكى برعشته
 لما الشتا جاى ببرده الشديد
مجروح ياعمري اللى باكي 
مقتوله يا بسمة شبابي 
مكسيه دمعه جوه عينى وبعذابي
 والحزن ساري ف الوريد
حلمي اللي كان بحلم زمان
 والحلم شئ صعب المنال 
والحمل فوق حلمى اللى عابر بالخيال
تقّل الجبال مشتاق لبسمة ع الخدود
 مشتاق اهاجر م الحدود 
زي الطيور حر وطليق 
مايعشي قلبي ف وسط نار
 ومرمي حلمى ع الطريق
 والقطر ماشي  عكس الطريق
 واللى مات حلمي البرئ 
واللى ضاع املي الشريد 
والحزن ساكن جوة قلبي
 والجرح  ماسك لسه 
ف قطبان الحديد
ماشي وباكى ع الحياه 
فاتت عيونى الغرقانيين
 بدموع وويل اشواك ونار
 والفجر هارب حتى النجوم
 
وسط سمايه هربانيين 
فين الامل اكله الزمن 
والحلم كان وهم كبير
 حلمي اللى كان فى يوم شباب
اصبح قعيد وملامح الفجر الوليد
 اصبح مشيب
 حلمى وراح ويه بسمة فرح 
اصبح  بين قطبان الحديد
 اصبح شهيد اصبح شهيد اصبح شهيد

*******************************

بقلم الشاعر المصري / احمد ابراهيم