(خاص بالمسابقة)
عامية
اعشقني كالموال
بَعترني فى حروفك
اسقيني مثل حمامة
نامت على كُفوفك
لَملمني واحميني
محتاجة أنا وقوفك
محتاجة للهمسة
للنسمة.. للمسة
للدنيا دى بحالها
أشوفها على شُوفك
سَكني نن العين
تَوهني فى دروبك
حَسسني إنى بغير
حَسسنى بوجودك
اعشقنى كالأمواج
متحيرة.... وتايهة
تِعلا تِهد....أبراج
تهدى... تكون هايمة
خللِّينى بيك... مَبهور
وأنا صَاحية وأنا نَايمة
ومعاك حبيبى أكون
لا عاقل ولامجنون
وفى بحر الهوى عايمة
اعشقنى ..عَلمني
ازاى أكون إ نسان
أحبي بين أحضانك
أشرب تقوللى كمان
وأشبع دفا... وحنان
تطبطب على جروحى
والماضى كأنه ماكان
قبلك داعمر وراح
ومين يفتكر الجراح
ندمانة على إنى
ماشُفتك من زمان
وأقولك......... اعشقنى
قصيدة(اعشقنى)