خاص بالمسابقة 
عامية 
ظلم البشر 
قالوا المطر دا خير 
أنا قلت وماله 
قالوا مات الضمير 
قلت إنه إنذار جاله 
قالوا الفساد كتير 
ومفتولة أوي حباله 
أنا للفساد...أسير 
نال مني مناله 
ايه بس يا أم الخير
مال الخراب ماله 
دا مبرطع السكير 
و مسكينك ايه جراله 
بقى للخراب جماهير 
وكتروا أوي رجاله 
يلا يا دنيا مطري 
ومن البلاوي اغسلي 
يلا اغسلي قلوبنا 
وزيحي يلا كروبنا 
إحنا خلاص ملينا 
إحنا خلاص دوبنا 
إحنا بنن عيوننا 
شوفنا العذاب شوفنا 
شوفنا الدمار ألوان 
والعربي أصله اتهان 
بقى للأسى عنوان 
بقى في الهموم فنان 
ماتت حقوق الإنسان 
مطري بقى يا دنيا 
يمكن يرجع الأمان 
هوا الشتا دا أيه 
رمانة....الميزان
ولا يكونش المطر
بيريح.....التعبان 
بينقي الجو م الأمراض 
ودا خير من عند ربنا 
لا تقول من سين أو صاد
نزلت سيول عندنا
فجأة وبدون أعراض 
إنذار عشاننا كلنا
عشان ينزع الأحقاد 
ودا لأن....المطر
بيخلي النار...رماد
شوفتوا سفينة نوح
واللي جرا للأجداد 
دول كانوا ناس كتير
دول كانوا كما الجراد
وبظلمهم لنفوسهم 
ومن كتر الأحقاد 
غرقوا في... المعاد
ابراهيم بدر عبدالله