نفسى أسئل 
الملياردير سؤال
منين يا صاحبى 
كسبت مالك
بزمتك كله حلال
يعنى مطمن فى بالك
سهرت الليالى الطوال
عرق جبينك واجتهادك
وللا لقيته فى الشوال
جابه العفريت وجالك
يعنى دا مش مال العيال
اللى تحت الكبارى قبالك
ولا دى فلوس عم جلال
اللى مات من سرطانك
واللا الست أم أمال
اللى بتشحت قدام جراشك
وللا دا غسيل اموال
وللا طمعك واحتكارك
وللا نصب واحتيال
واللى ساعدك عليه ذكاءك
لما اشتريت ارضنا بريال
وبعتهالنا على مزاجك
وللا كان عندك مجال
واستخدمت فيه نفوذك
بسالك بكل أدب وكمال
وهوشوشك كمان ف ودانك
لو كل دا عندك حلال
ممكن نعرف ايه حرامك؟
منير خاطر