وبصرخ مين يعدينى

***************

إسمعينى وأفهمينى قدرينى وأعذرينى

كل أيامك عدم والعذاب شابك سنينى

إنتهينا بالجراح وصبانا راح وإنتى ليه بتعذبينى

انا اللى إديت لنفسى كتاب فتح صفحات بتكوينى

أنا اللى عشقت فيكى دروب صبح شوكها يبكينى

أنا اللى داريت فى حرمانى بقيت جانى وظلمتينى

ونبض القلب كان مكبوت علل وسكوت وتنسينى

على أرضك زمان بيفوت عذاب وبـموت ولا مرة تواسينى

ياغربة كفاية خوف وسراب قفلتى الباب وحالفة لية تعاندينى

غريب الدار لا أهل وجار ولا صاحب يداوينى

وقلب غيام وصوت أوهام على بلدى يودينى

فى لحظة يزول وباب مقفول وبصرخ مين يعدينى

محمد سالم