ضايع بألف سلام

***************

وبعد شوية كله ينام وتبدأ رحلة الأحلام

ويبدأ حلم متفصل ومتفسر لوحده تمام

نفوق من نومنا ونفتح على الأوهام

على الدنيا اللى عايشنها ولا الأفلام

تدوس فينا وتجرحنا مع الأيام

يموت فينا الحنين نبكى ولا بنام

يدوب فينا الشجن والفرح يبقى حرام

آسوة زمن فيها الحزين طالق لجام

عايش حياته ضلال بيدوس على الألغام

وناس ظالمه وعايشه بس لية وبكام

وبعد شوية كله ينام وتبدأ رحلة الأوهام

نحلم ندوب و نطوف دروب ونتوه مع الأحلام

ونفوق على دنيا الأصيل ضايع بألف سلام

محمد سالم