عفوا ياسيدتي...
ياريت ماتشتكيش...
انت السبب..مش إحنا. ..
مين اللي لما خلفت البنت زعلت
وقالت ياريت كان ولد ...
انت ياسيدتي( ست)
مين اللي لما الولد بياكل ويطفح .
بتخلي أخته ..
تشيل من وراه طبقه وبقايا اكله وتنضف وراه
انت ياسيدتي(ست)
مين اللي لما الولد بيبهدل أوضته ( غرفته) .
ويجيب عليها واطيها
بتخلي أخته تقوم توضبها وترتبها
وهو قاعد يلعب ويتسلى ويتفرج على أخته الخدامه
انت ياسيدتي (ست)
مين اللي لما الولد يوسخ هدومه
بتخلي أخته تقوم تغسلها وتنشرها وتلمها وتكويها.
انت ياسيدتي ( ست)
مين اللي لما يبقى ابنها عاوز يشرب
مابيكلفش نفسه يقوم من مكانه. ويجيب لنفسه كوبايه الميه..
وتخلي أخته تجيب له يشرب..
انت ياسيدتي (ست)
مين ومين ومين...
انت ياسيدتي اللي صنعتيه...
وتيجي بعد كده تشتكي منه...
انه كسول ومش بيساعد...
عفوا ياسيدتي...أنه صناعتكن. ..
ياريت تبطلي شكوى بقى...
ان جوزك مش بيساعدك...
روحي اسألي امه...
وانت أسألي امك
مش كده ولا إيه. ......
