عمرى ما اتعوِّدت أشوفك يوم حزينة
ليه تخلِّى الحزن بيضلِّل علينا ؟
ليه تخلِّى الضحكة مجروحة فى عينينا ؟
هوه برضه الورد يبكى ؟
هوه برضه النور بيشكى ؟
قولى احكى ليه بتبكى ؟
ليه دا كله .. ليه دا كله ؟
عارفة طيفك أما أقابله
راح أقولله : ليه دا كله
ليه تخلِّى الدمع يجرى
ليه تخلِّى القلب خايف
رجَّعى نور ابتسامتك .. للشفايف
وامسحى الدمعة اللى فوق خد القمر
دى ابتسامتك... زي اسمك
علِّمت ليلى السهر ...
رجَّعى كل البلابل للشجر
رجَّعى الغنوة الجميلة للوتر
واكسري الأحزان .. دى لازم تنكسر !
ساحة النقاش