محب مصر

كاتب أرجو أن أنفع الناس وأن أرى مصر في طليعة الأمم.

هذه خواطر شعرية بالعامية المصرية، عبرت بها عن حالة أحسست بها في إحدى الليالي عن هدفي في الحياة والرسالة التي يجب على كل إنسان القيام بها

 قمت في يوم من عز النوم
شفت الدنيا ظلام وغيوم
قلت ده قبري والا حياتي
والا ده ماضي والا ده آتي
***
قلت اتوكل على الرحمن
سيب النوم يالله وقوم
نوَّر شمعة هاتخليك
تصحى تبدد ليل لياليك
املا حياتك نور وإيمان
نوَّر ليلك بالقرآن
ليه وأنا حي أعيش في ظلام
والا في وهم أو أحلام
وأنا مسلم دنيتي معمورة
بالقرآن والإسلام
***
خلي النور يملا حياتك
وفي حركاتك أو سكناتك
خلي لعمرك قيمة ومعنى
واوعى في يوم تقعد تتمنى
قوم واتحرك واسعى، وقول:
أنا كده فايق مش مسطول
هاصحى واصحِّي كل الكون
واحرق كل شيطان ملعون
ليه وانا حي أعيش في ظلام
والا في وهم أو أحلام
وأنا مسلم دنيتي معمورة
بالقرآن والإسلام.

AshrafQadah

أشرف قدح

  • Currently 210/5 Stars.
  • 1 2 3 4 5
70 تصويتات / 442 مشاهدة
نشرت فى 18 أغسطس 2009 بواسطة AshrafQadah

ساحة النقاش

أشرف قدح

AshrafQadah
كاتب أرجو أن أنفع الناس وأن أرى مصر في طليعة الأمم. »

أقسام الموقع

ابحث

تسجيل الدخول

عدد زيارات الموقع

177,760
Flag Counter