الشاعر/محمود عفيفي دومه/ يكتب ومنيش منهم/بمجلة الاتحاد الدولي للمؤلفين العرب

(.ومنيش منهم..) ٤٧٦
وفجأة الكل ف التصنيف
وكام واحد ابو العريف
وقولت اخش ف الهوجه
ونشوف أخر الموجه
وجيت لابس للبس نضيف
وروحت ازور لكام ندوه
وقولت الحق اخدلي رغيف
والحق حاجه م الغدوه
تسترني وازيد واضيف
وجبت قميصي البفته
 فوقيه ضربت  كرافته 
ونويت وفاكر انها فته
و بطني سامعها بتصوصو
وبصبرها ووشوشها
دلوقتي هاتلحقي حته
ببص لقيت واحد زي
وم الحبل ولا بس حته
ولبسه زي برده نضيف
وفجأة اندار.  بيسألني!
وسين.
........  انت مين يعني ؟
وهويتك ايه ف التصنيف
منيش فاهم هو عايز ايه
مكسوف ان قوله رغيف
و فجأه.   دارت الندوه
وكام حيث.  وكام ان
وانا قاعد منيش عارف
وبقرش يدوب ع السنه
ومعقولة وغير معقول
وروحت قايم اوام واقف
وبديت بكلام معسول
عشان ف كحكه ف اديه
وفي جيبي خزين معمول
وبسم الله ...وانا..فصلي
لقيت الكل  بص.  بصلي
منيش مضروب انا اصلي
و في حاجات  مألماني
ولا اعرف واحد فيكم
ولا اعرف معني علماني
ولافارقه معايا لأسامي
ومين هو ال ليبرالي
ومين بيغني اوبرالي
ومين سفير فوق العاده
ومين فيكم.  هنا سامي
انا عايز  تحسوني
ولجل الصدق عسوني
وياريت للهم.  نسوني
وايه عيشتي وماجرالي
وده همي واكيد حصري
وفوق كله .     وده كله.
انا منكم....
           .....انا مصري
بقلمي /محمود عفيفي دومه