الشاعر/الصادق عبدالمولي/يكتب في مسابقة/الاتحاد الدولي للمؤلفين العرب

نحلم بخبر بكره
؛؛؛؛؛؛؛؛؛؛؛؛؛؛
يا بلد
أشوف الخير فيك مخبأ
أشوف أولادك فى رهج الرزايا
والنجيع للأديم غطى
سال مهراق للغبن ما فشى
 زاد النفوس جفا وحرقه 
لمتين الصراع والحياة نفحة ؟
،،،،،،،،،،،،،،،،،،،،،،،
يا بلد نائم قوم أصحى
المزن نازل والضرع جفاء
الدساكر شُزب والبطون غرثى
اللداد إشتد والجهل إتفشى
والأمين لاهى فارق العفة
،،،،،،،،،،،،،،،،،،
يا بلد طاعناك مجانينك
يا بلد مقطوع شرايينك
يا  بلد  نازف بسكينك
 ،،،،،،،،،،،،،،،،،،
يا بلد واقف رغم البيك
يا بلد واقف على رجليك 
عظيم إنت الله يعينك
أريبك متين يسد دينك
،،،،،،،،،،،،،،،،،،،،،،،،،،،،
بحبك عافية وبفخر بيك
أصحى كمل حُجيك
أشرق شمسك...سدفك طال
هناتك أناتك... سكنت فيك
،،،،،،،،،،،،،،،،،،،،،،،،،،،،،،،،،،،،،،،،،،،،،،
ياشباب صحصح بلدنا إنكسر
داول  حُجيك  زيل الخطر
أنسى الماضى يا شباب هسع
تعال نتلاقى فى الحاضر
نتقابل فى المستقبل
ولأيادينا فى التراب لمسة
،،،،،،،،،،،،،،،،،،،،،،،
نتلاقى فى وقت نزرع
وفى زمن نحصد
وفى أفراحنا
نبدل الخصام خوه
ننقب فى الأرض جوه
ونحلم بخبر بكره
،،،،،،،،،،،،،،،،،،،،،
نبنى مستقبل أجيالنا
 نخلد أخلد ذكرى
نفتح للعلم كوه
نتباهى فى البلدان مروءة
ونقول يا هو ده الوطن السودان
لمتين نحنا فى الأحزان
يا شباب أصحى
""""""""""""""""
الصادق عبدالمولي
 السودان