المصدر: مليون سلامه .................. دلوقتي جايه بابتسامه / وتقوليلي مع السلامه كلمتين بتقوليـــــــهم / وانتي مش دريانه بيهم كنت حاسس صدقيني / في الهوا ضايعه سنيني وانك انتي مش حبيبتي / ياللي كنتي ضي عيني عايزه تمشي / روحي امشي تصحبك مليون سلامه خدتي من عمري الكتير / وانتي قاصده تلعبي طيرتي ياما بقلبي طير / وانتي ناويه تكدبي كنت واهم نفسي بيكي / وهم صدقته ف عنيكي وانك انتي خلاص حبيبتي / ياللي روحي ساكنه فيكي عايزه تمشي / روحي امشي تصحبك مليون سلامه ........................................................................... سمير فرج عبد القادر من ديوان مشاهد موت 2001