حاول يا قلبي ..
حاول يا قلبي مرة .. وانسى أحزاني ..
ممكن يا قلبي والله تحب تاني
يمكن يا قلبي المرة .. بيصالحك زماني ..
حبيت ياقلبي .. كام مره .. !
وكل مرة تبقى مُره ..
جرب يا قلبي المرة ..
واعتبرها لأخر مره ..
أحسن يا قلبي .. ما تفضل كدا وحداني
حاول يا قلبي مرة .. وانسى أحزاني ..
ممكن يا قلبي والله تحب تاني.
*************
عيش الحب يا قلبي .. وسيبك م الماضي ..
أنا مش عايش كده يا قلبي .. وانت فاضي
مين تسأل عليه ؟ .. مين تهتم بيه ؟ ..
مين لما يزعل .. تطبطب عليه ؟ ..
مين .. هتحب تنظر فـ عنيه ؟ ..
مين يا قلبي .. هيحرك وجداني
حاول يا قلبي مرة .. وانسى أحزاني ..
ممكن يا قلبي والله تحب تاني
*************
طول عمرك يا قلبي .. بتحب
وياما غنيت كتير.. للحب ..
ما تاخدش الحب بذنب ..
حبيب قاسى قسى ع الحب
واحد .. لحبيبه خان ..
والتاني عليه هان ..
وياما أحِبَّة : في أمان..
عايشين .. حب في حب ..
عيش يا قلبي .. واحيي شرياني ..
حاول يا قلبي مرة .. وانسى أحزاني ..
ممكن يا قلبي والله تحب تاني.
*************
حاول يا قلبي .. كلمات .. سعد المهدي
