طيور الفكر
-------------
طيور الفكر اصحوا تحبسوها
باقفاص الضغينه بتقتلوها
خلقها ربنا حره طليقه
اتركوها تغرد وما تقيدوها
ما ادم بي لكل الخليقا
وحوا امنا اللي بتعرفوها
عاشق ضل وبجنبو عشيقا
الخفقه بقلبهم ما فرقوها
يالله مع بعض نوجد طريقا
بمحبتنا القيود بتكسروها
حاجي بكل بلد تولع حريقا
والاحباب عم بتبيعدوها
ولحتى هالدني يرجع بريقا
بعيون الحب يا عالم شوفوها
وتعالوا نعيش في حب وتأخي
وتترجع نكهة الخمره العتيقه
حدود ال بينا قوموا امسحوها-----------------------------
بقلمي راضي مشيلح
