زي النهاردة
زي النهاردة تاريخ ميلادي
فاكرة اول يوم مابينا
وإيه حواره
فاكرة اول نظرة ليكي
من عينيكي
فاكرة خوف القلب
والجسد مخطوف بناره
فاكرة الشروق
والاستراحة والبشر بتمر
والشروق حاضن نهاره
فاكرة الفطار وقهوتك
والوله من نظرتك
والهيام واخد قراره
والخطاوي والطيور
حوالينا بتردد أغاني
والهوى العطر جاره
والعيون فرحانة
فيها شيء يشبه عجب
تحت الطلب
لجل العيون أتحمل
المر ومراره
النهاردة تاريخ ميلادي
فاكرة اول يوم مابينا
وايه حواره
صبري شومان
