اليان سمعان ابو طوني

000===--- بكرى تعي ---===000
....................................................
بكرى تعي ياحلوتي لاتهربي 
.............. النا نقاش زغير وبعدو معاتبة

عتابي الك شو بتعملي فينا 
............ حاجي العذاب فنون فيي تجربي

من سهم عينك مت وحيينا 
........... من خمرة شفافك بلسم اجنبي

من غضبة جفونك يارب نجينا
........... لاتشعلي نيران قلبي وتلهبي

ع هلة جبين القمر يارب تعطينا 
............ بعد القمر انتي بتاني مرتبة

وعالشعر خانوا الليل بعد ماحكينا 
.......... والصدر مجنون للقصايد موهبة

زعلان ياحب منها لو تراضينا 
......... عهد الهوى بصمتو وعهدك اكتبي

ياحب انت الهنا عالخير تهدينا 
........ يارب تجمعنا سوى باغلى مناسبة 
.........................................................
الشاعر السوري المهجري ... اليان سمعان ...

لوس انجلس 23/6/2016