authentication required

 

سلفنى تلاته جنيه 
على جنى القطن يا بيه 
عندى بنت بتتجهز 
آخر الشهر هتتجوز 
هنجيب كنبه بسحاره 
ونشرفها فى الحاره 
وسرير عمدانه نحاس 
وصندوق من غير ترباس 
وصنيه وقلتين 
وباجور وحلتين
ومرتبتين ولحاف 
وفستان نايلون شفاف 
والفرح والذى منه 
طبعا مش تايه عنه 
ونعلق حبة زينه 
والخيل ترقص وسطينا
وندبح عجل بتلو 
ونعزم الكفر كلو
ونأكل المعازيم 
ونفرق حبة ملاليم 
ونحاسب المأزون 
نكمل ع العربون
ونصبح ع العروسه
بفخدة ومشنة كوسه
وشوال مكرونه ورز 
أصلها رايحه بيت عز
وإن فاض حاجه هجيبهالك 
منتا مغرقنا بأفضالك
 منير خاطر 


المصدر: الشاعر منير خاطر
  • Currently 0/5 Stars.
  • 1 2 3 4 5
0 تصويتات / 43 مشاهدة
نشرت فى 5 يونيو 2016 بواسطة Amrroro

مجلة / مملكة ندي للشعر

Amrroro
»

ابحث

تسجيل الدخول

عدد زيارات الموقع

106,264