م. محمد الجوجرى لكن شكيت ...... شعر ( م. الجوجرى)
لفيت الدنيا ورحت وجيت
فى جمالك وحسنك ما لقيت
سألونى ليه ؟ جاوبت ورديت
وشرحت ولوصفك وفيت
ـــــــــــــــــــــــــــــــــــــــ
وعن الرقه والخفه حكيت
وبنبيتلك جوا قلبى بيت
وعن ملامحك كتبت وخطيت
وعلى عش غرامك حطيت
ــــــــــــــــــــــــــــــــــــ
وفى محراب قلبك صليت
وحلمت بوصلك واتمنيت
ولشط هواك عُمت وعديت
ولكل احوال الدنيا نسيت
ـــــــــــــــــــــــــــــــــــــ
وعشانك قطفت الورد ولميت
ولشجرة حبك زرعت ورويت
وبشوقى ولهفتى لجذورها سقيت
وقررت اصارحك ونويت
ــــــــــــــــــــــــــــــــــــــ
لكن خفت ولعواطفى خبيت
وكتمت هوايا جوايا وحبيت
واتاخِد كل ما أشوفك هليت
ويزيد نبضى والاقينى اتشديت
ـــــــــــــــــــــــــــــــــــــــــــ
أعمل أيه وازاى الاقيك حسيت
باللى جوايا وقلت ياريت
يكون خد باله واتمنيت
بصه أوبسمه لكن شكيت