منير خاطر22 فبراير، الساعة 06:54 مساءًسوريا الجميلهغيرتى ليه عنوانك
أنا رحت ازورك
واخبط على بابك
فتحولى ناس تانيه
مش من ولادك
ناس وشوشها غريبه
لا من اهلك ولا ناسك
ناس اكلها لحم البشر
وشربها من دمائك
ناس قاعده على التل
بعد ما خربوا ديارك
ناس عماله تتخانق
على ارضك واموالك
وسألت فين أهل الدار
فين الكبار والصغار
فين اخوالك واعمامك
قالوا ناس هاجرت
وناس ماتت
والباقى جوعناه
علشان لقيناه
متمسك باهدابك
ودخلت اشوفك
وأتقصى احوالك
ملقيتشى غير خراب
فى كل ارجائك
وريحة الموت
بتفوح فى انحائك
وساعتها قلت ياريتك
يا سوريا الحبيبه
ما غيرتى عنوانك
منير خاطر
