هلوسة
بيضة خارجة من الدجاجة
بس عارفة كل حاجة
جيت أكلها قالتلي أسمع
انت شكلك ياد خواجة
؟؟؟؟؟؟؟؟؟
أنبسط و قلت أيوه
افقسيلنا حاجة حلوة
قالت ماشي عدي بكرة
تلقي بطه بيضا حلوة
؟؟؟؟؟؟؟؟؟
قلت أغسل وشي يمكن
لما أغسل ابقي احسن
الصابون ضحك وسخسخ
قاللي أسف مش هأصبن
؟؟؟؟؟؟؟؟؟
و اتلقيت الفوطة نايمة
فوطة صفرا غيرها قايمة
قلت ممكن تيجي خمسة
قالت ﻻءة أصلي صايمة
؟؟؟؟؟؟؟؟
والدوﻻب عمال يغني
والحزام أهو فك مني
واللحاف عمال يزغرط
والحلل بتقوللي شيلني
؟؟؟؟؟؟؟؟؟
ف الدماغ سارح صاروخ
اسندوني خﻻص هأدوخ
توبة أشرب( كميا)تاني
وﻻ أدلع ف النافوخ
كلمات/ إبراهيم دعبس (الساحر)