السيد الفاضل عبد المعين
رئيس رابطة الزعلانين
أتقدم اليكم بعرضحالين
أحب اعرفكم انا مين ومنين
انا الزهقان من كفر الزهقانين
عايش فى شقه صاله واوضتين
أكلم نفسى فشر المجانين
اطبخ واكل واغسل المواعين
واستخبى تحت البطاطين
اصل الدنيا برد شويتين
أما من ناحية القرشين
ماشيه وربك بيعين
يومى اكتر من نصه حزين
وساعات بتفر دموع العين
وتنزل سخنه على الخدين
مستنى حاجه بقالى سنين
حاجه مش عند البقالين
ولا حتى فى بلاد الحرمين
سرقوها منى الحراميين
مستنى اضحك ولو يومين
نفسى افرح زى الفرحانين
اشوف حاجه تسر العين
او أعزل من كفر الزهقانين
منير خاطر
