ترتيل الفوشيا لأنواع الحب
---------------------------
للشاعر
ناجى عبد المنعم
-----------------
الى ( ثورة القلب )
تلك التى اندلعت بفيحاء قلبى نــــورا وعبقا
برائحة الفوشيا فأحالت قلبى وطنا للعاشقين
( مفتتح )
(انا قلبى بستان للهوى
والعشــــــق فيه انواع
من حسن ترتيل الهوى
حبيــت انــا أنـــــواع )
( قصيدة )
قلبك نده
والندهه كانت /
من زلال العشق /
والشوق سلسبيل /
فاتبعترت
روحى ف مدارك
وابتدت /
تسحب من الشمس /
ابتسامة مغربية
للرحيل /
وتشد من ضى القمر /
لون البراءه
المستكينه للأصيل /
وف لحظة -
الوجع المؤكد /
من أنين الذكريات
داست على كل الصور
فانهارت المأساه /
ودابت /
من سنابك الصهيل /
( رحلة كفاح –
أسوأ رواية حب من –
فجر التاريخ /
حكمة وفلسفة السكوت /
على كل كلب من الكلاب /
حاول يجرّح فى النخيل /
عض البلاط /
فى لحم كتفى بالساعات /
لحظة ميلاد /
آخر قصيدة من الرفات /
أنشودة الأحدب /
وترتيل السفيه /
جدلية الموت والحياه /
شكل البتاع /
لحظة دخوله
جوه منشور التمنى /
للحفاه /
آخر قراءه
لنص محبوبتى الجميله /
- نعى روح - )
لحظة قلق /
وكأنها مليون سنة /
غسلت صمام القلب /
بالنور والهديل
فاتكومت أحزان/
سنين العمر تحت الذكريات
بدأ المخاض
يضرب فى ضهر
المستحيل
ويشد صورتى من /
تجاويف القلق
ويشيلها شيل
وكأنى مولود من جديد
( القلب قلب الطفل
والوجه امتزاج عبق
الكهوله وائتلاف
وهج الشباب والنن من
فرط ابتهاجه بالضيا
أصبح أحادى النظره
للروح الأليفه فى السما
رغم الضباب )
فاضت من الجسد /
المُهيأ للمروج /
روحى الأليفة
وابتدت /
ترمى ابتهاجها
للخروج /
فاتشكل
المزج الخرافى /
بين شروق الشمس –
وغروب القمر /
أجمل بساط للريح
يسافر فى الولوج
وف لحظة العبق
المُدجج بالورود /
المستحيلة فى الزمن
أصبحنا روح
من غير جروح
ولا حتى بوح
وبدأنا أول رحلة الحب /
المُسجّى للدفا
من غير شجون
من غير هموم
ولا فلسفة
( طفلين فى نفس السن /
نفس الحلم /
نفس الانتماء )
وانا من تناويع الهوى
اخترت – ثورة –
واختارتنى
أكون لها
فارس وسيف
وربيع بيبدر
من رياحين الهوى
عبق انتماءات التمنى
للخريف
أنشودة
الورد المُسجّى
بين تراتيل الشتا
وسفارى صيف
( بالفوشيا )
لونت ابتهاج
الشمس
فى عيون الهوى
ونزعت آخر
ماتبقى من
أنين المكحله
بسملت /
واستفتحت /
رتلت البداية
النرجسية /
لانفلاتى من –
مدارات الرتابه
والملل
( ترتيل أول )
--------------
الأولــــه الحـب كان أنــواع
والتانية قلبى انشغل بيكى
والتالته اخترت اكون ثوره
الأولــــه الحب كان أنواع
ولكل نوع قصه
والتانية قلبى انشغل بيكى
ورقصت انا الرقصة
والتالته اخترت اكون ثوره
كامله ماهيش ناقصه
الأولــــه الحب كان أنواع
ولكل نوع قصه
بيعيشها كل عشيق
والتانيه قلبى انشغل بيكى
ورقصت أنا الرقصة
عصفور فى وسط حريق
والتالته اخترت أكون ثوره
كامله ماهيش ناقصة
ومشيت فى أجمل طريق
الأولــــه الحب كان أنواع
ولكل نوع قصه
بيعيشها كل عشيق
وكأنها جنه
والتانيه قلبى انشغل بيكى
ورقصت انا الرقصه
عصفور فى وسط حريق
رفرف على المدنه
والتالته اخترت أكون ثوره
كامله ماهيش ناقصة
ومشيت فى أجمل طريق
نبنى سوا وطننا
### ###
( ترتيل ثان )
2 / 2 / 1 / 1 / 4 / 1 / 0 / 2
1 / 2 / 1 / 9
2 / 2 / 5 / 1
0 / 0 / 4 / 7
( ترتيل أخير )
----------------
انتى ابتهاج الفوشيا لو /
مس الشعاع
خد البنفسج
وامتطى
ضهر البراق
يالوعة الحب اشعلى
فى القلب نار
أنا وانتى للشمس الغروب
ويّا الشروق
زيدينى من نهار الهوى
فالنار أكيد
تشفينى من سهد الفراق
تشفى الحريق !!
ادينى ( ورده )
( وابتسامه )
( وصوره حلوه لجبهتك )
وانا اكون حبيبك وامنحك
قلبى ... وشوق
لو كان بايدى
كنت أكون
جنبك طوال العمر
وبدون الفراق !!
أنا جسمى مدفون
هنا فى القاهره
والقلب نابض بالهوى
ف قلب العراق
------------------------------
من ديوان
( ترتيل الفوشيا لأنواع الحب
الصادر عن دار بداية للطبع والنشر
طبعة أولى 2015
للشاعر ناجى عبد المنعم
-------------------------------
