اليان سمعان ابو طوني ... 

***///*\\\==={ رياح وتلج } ===///*\\\***
:::::::::::::::::::::::::::::::::::::::::::::::::::::::::::
الدنيا برد ورياح والتلج كتر
///*\\\=== وموقد حطب مليان سهران لحالي

وفنجان قهوة بهيل بنها تخمر
///*\\\=== وريشة حلا ترسم صورة الغالي

بعت لاقلامي يجو وناديت عالدفتر
///*\\\=== اكتب قصيدة غزل شو اجا ببالي

ضاع الحكي مني والعقل سكر
///*\\\=== لما خيال الفجر طل مقبالي

خيالا لمحتو وحكي عاصفحتي نور
///*\\\=== معقول مجنون بحكي مع خيالي

يسعد صباح الحلو بالمسك والعنبر
///*\\\=== لاتذكر حروف الغزل اجيتك بحالي

انا تلج الصبح عابابك تسكر
///*\\\=== انا طلة فجر والحب رسمالي

انا حسني ارقام الحلا كسر
///*\\\=== انا شحرور الصبح غرد بدالي

انا عطري ورد الصبح عطر
///*\\\=== انا شروق الشمس بيخوفا خيالي

انا قربان العشق ورغيف المقمر
///*\\\=== انا هيكل صلا وبخورها الغالي

حاج تكتب قوم مانعست يامعتر
///*\\\=== راح تم زورك لما يجي ببالي

صاحت ديوك الفجر والحطب جمر
///*\\\=== وقالت صباح الخير رن جوالي

::::::::::::::::::::::::::::::::::::::::::::::::::::
الشاعر السوري المغترب .. اليان سمعان