<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} </style> <![endif]-->

اسم غريب بس لازم تعرف انه لبلد مصريه اصبحت الان تعرف بمدينه" ايلات."
تخيل يا مصرى ياللى كتبت بدمك على رمل سينا وكل شبر بارض مصر ان لسه فى جزء من ارضك مغتصب،والجزء الكل مش عارف ليه عليه ساكت مع ان المدينه دى الان ميناء اسرائيل الاهم على البحر الاحمروالمنفذ البحرى المطل على خليج العقبه واللى بيه اسرائيل بتهدد كل العرب وبتوقللهم ان لها سياده على البحر الاحمر.
الكلام ده مش جديد بس لانه قديم هقوله:
ام الرشراش قريه مصريه تقع فى الطرف الشمالى الغربى لخليج العقبه ، مساحتها 1500كم2 ،صدر مرسوم عثمانى عام 1906 باعتبار ام الرشراش قريه مصريه على الحدود السياسيه بين مصر وفلسطين .
تحرك اليهود عام 1949 تحديدا فى شهر مارس مستغلين الهدنه" المشئومه" تجاه قريه ام الرشراش واللى كان فيها شرطه مصريه واستراحه للملك فاروق فى هذا الوقت وكان قائد هذه الفرقه اسحاق رابين رئيس وزراء الصهاينه الاسبق واستطاعوا احتلالها وقتل 350 شهيد من افراد الشرطه وغيرهم من المصريين هناك وفرضوا سيطرتهم عليها منذ هذا التاريخ وذلك بتواطؤ امريكى دولى  كالعاده .
ام الرشراش طول عمرها مصريه من ايام الطولونيين وعشانها حارب صلاح الدين وحررها وجاء من بعده الظاهر بيبرس عام 1267 ( لاحظ 67) واستعادها مرة اخرى من ايدى الصليبيين، وقت ما كان للرجال صوت غير الندب والاستنكار مش شحاتين للسلام ولرضا العم السام.
ام الرشراش مصريه 100% والرئيس السابق محمد حسنى مبارك صرح لمجله العربى عام 1996ان ام الرشراش مصريه، لكن اسرائيل سمتها ايلات واصبحت تحت علمهم و سيادتهم .........
ياترى الناس اللى فرطوا  فى جزء من اوطانهم ممكن يكونو هما نفسهم اللى يقدروا يحرروا الاقصى القضيه الاولى لهذا الجيل من المسلمين ؟؟؟؟؟؟؟؟؟؟؟؟؟؟