بتنساها و دايماً مقصر فيها و لما بتكسل بتحس ان جبل فوق كتفك و حمله تقيل و ما بتصدق ان فيه حاجة بالنسبالك مهمه تشغلك و تنسيك انك سايبها

هو انت فاكر ان ربنا محتاج صلاتك ؟

او حتي ان فكرة ان صلاتك هي اللي هتفرق في حياتك او حتي في اللي بيحصل
حواليك ؟

او حتي صلاتك هتفرق في الرزق اللي كل يوم بيخبط علي بابك ؟

ربنا مش محتاج منك حاجة بالعكس فكر فيها انت اللي محتاج انه يفضل راضي عنك و بيرزقك

طب ازاي و انت مش عايز تديله حقه و اوعي تفكر انه محتاجها دة هو الغني عن العالمين

احسبها كويس لو فيه شخص كل يوم بيجبلك هديه هتبخل عليه بأنك تقوله متشكر او حتي انا مديونلك

و لله المثل الاعلي بتتكبر علي الصلاه و بيرزقك بتكسل انك تتعب علشانه و دايماً فاكرك و بينجيك من افعالك

بس اوعي يغرك صبره عليك اصلك كدة كدة هتروحله في الدنيا يا اما هتروح برضاك و تقوله انا بعبدك لانك رب الكون و بترزقني و معصيتي بتطلع ليك و برضه صابر لسه عليا

يا اما هيجيبك غصب عنك بأبتلاء مش هتعرف تتصرف فيه او هتروحله بكل ذنوبك فوق كتفك

و اعرف انك لو قررت متصليش هيرزقك بس الفرق من غير بركه فاكر لما بتسأل نفسك ليه الفرحه مبتدومش ليه الرزق منك بيطير اصل البركه اتنزعت منك و علشان كدة لا عارف تحس بوقت ولا حتي عارف تفرح من قلبك

صلاتك اول عمل هيعرض علي ربنا لو كانت صح كل اللي جاي من بعديه سهل و بأذن الله هيعفو عنك فيه اتفائل خير

و ان كنت ناسيها من غير ما تفكر انت اكيد عارف مكانك فين و حاسب علشان النار 7 دركات انت مش عارف هيكون مصيرك في انهي فيهم

و ان كنت ناسي واحده و بتفتكر واحده فا الويل ليك و الويل دة مكان في النار و شوف ربك قال ايه علي اللي بيحافظ علي صلاته

مش عايز يكون ليك قصر في الجنه تأمر فيه و كل اللي بتتمناه يجيلك قبل ما تخلص الامنيه

و لو نويت التوبه بعدين انت مش عارف عمرك هيقف لحد فين حتي و ان طول ما تنساش اليوم اللي هتوب فيه لازم تصلي كل اللي اتساهلت زمان فيه علشان الصلاه عماد الدين ديه الحاجة الوحيده اللي مينفعش تقول فيها استغفر الله و هيتمسح ليك كل اللي قصرت فيه

اصلها حق الله ولازم تأديه