انتي ايه بيسهرك 

جوه وحدة الكلام

كلة اقسم يهجرك

كله ناوي ع الخصام

،،،،،،،،،،،،،،،،،،،

كله شافك واحده صادقة

رافضة دنيا مـ الخداع

واللي بيقابلك مصادفه

فكره يجري عـ الوداع

،،،،،،،،،،،،،،،،،،،،

اصل انتي عمله نادرة

جوه سوق المعطيات

ليه تكوني بعد فترة

فوق رفوف الذكريات؟

،،،،،،،،،،،،،،،،،،،

كله عايز حاجه سهله

ف المعامله والكلام

اصل عتبه الرخيص

وقتنا حاضنة الزحام

،،،،،،،،،،،،،،،،،،،،،

والدهب رغم انه غالي

ورغم ان محله فاضي

بس ممكن بيعه واحده

صاحبه يطلع ف العلالي

،،،،،،،،،،،،،،،،،،،،،

اوعي ترضي تبقي عاده

والعشم عندك زيادة

ده الخيانه شيء مقدس

والخداع ليه الرياده

،،،،،،،،،،،،،،،،،،،،،

لفي حلمك جوه منك

شاركي نفسك بس فيه

واوعي تاني يبقي همك

تلقي حد يشتريه

ـــــــــ

احمدرمضان

https://www.facebook.com/alfilsofahmed