مش مجرد ذكريات 


 مش مجرد حب ضاع او سنين  راحت بلاش

اللى بنا يا حببتى  يكتبوه البشر فى مليون كتاب


فاكره يعنى ممكن انسى عمر عدى ووقت فات

وسنين  تخدنى من غير شوق يجبنى   وودع الماضى ف سكات

تبقى مش حاسه قد ايه  قلبك اسرنى وساب علامة صعب يمحيها الزمان


ده غظب عنى بلقى  نفسى  بلهفه  تاخدنى لخانة الذكريات

 

واسرح بعيد بعيد للاماكن والجناين والشجر الى كان عايش وكان حاسس بيا وبيكى وبعد منك اصبح جماد 

حتى الورد  دبل و مات

مش باقى منه غير ريحه حلوه من اديكى وهيا بتمسكه

شاهده عليكى الارض الى حنت وفوقها دقت خطوتك

  ونسمة صيف بريئة تداعب خصلتك

والشمس الى غارت لما شافت بسمتك

من كسوفها خفت نورها ف  ضهر القمر

رجعت غريبه للنهار او ما شافت دمعتك


لسه حاسه انى ع الماضى ممكن اقسى

 او   تتمحى من فوق جبينى لمستك من غير اهااات

وانى بعدك  هعيش  لبكره او انشغل ف حكيات

ايوه عايش يا حببتى بس يا خساره قلبى مات

ولى بقالى ليا منك بعد منك مش مجرد ذكريا

مش مجرد ذكريات

  • Currently 0/5 Stars.
  • 1 2 3 4 5
0 تصويتات / 102 مشاهدة
نشرت فى 28 إبريل 2015 بواسطة AbuJumana

احمدرمضان

AbuJumana
موقع يضم بعض كتابات احمدرمضان www.chinanews.uk www.chinanews.uk www.chinanews.uk www.chinanews.uk كوكب الصين كوكب الصين »

ابحث

تسجيل الدخول

عدد زيارات الموقع

88,783