(البيت الكبير)
كنت بقعد ويا جدى
فوق فى البيت الكبير
كنا نفرش الكليم على الحضير
و الاوض حوالينا تشرح
فضفضه و منظر خطير
ناكل العيش الملدن
ويا الجبنه الحصير
جدى كان بيحب يسمع
شيخنا مصطفى اسماعيل
خالى كان بيحب يسمع
مولانا محمود خليل
كان زمااااااااااان قلوبنا صافيه
كنا نسمع للكبييير
مش بنغلط مش بننكر الجميل
ستى فى المقعد بتعمل القهوه
للافندى و للغفير
كل جمعه خالى كان بيكرم الفقير
كان بيجى شيخ بيقرا
سوره الكهف و ياسين
بقلم الشاعر
نبيل نوح نوح
