عبد المنعم السقا " كسوة العيد"

(كسوة العيد)
أمي شايفها 
شايلة الحلة
جية من بعيد
جايبة معاها مية 
تملا الزير
في العزبة حنفية
علي الناصية
جمعا أمي وأمهات
غاليين
ال بتغسل وال بتملا
وال جاية من بعيد
وشوش جميلة قلوب 
صافية
شلية لبن الفطير
أسقيني مية
الكوز علي الزير
الطشت يامة
حتغسلي الغسيل
الماجور يامة 
حتعجني العجين
المصفاة يامة
وأغسلي المواعين
الهون يامة
دقي الفلفل والشطة
والكمون
القش يامة والحطب
للفرن والكانون
الجاز يامة عمري
اللمبة للمذاكرة
وعمري البابور
اخويا بينده عليا
ابويا وامي 
راحوا فين
أفرح 
راحوا يجيبوا
كسوة العيد
عبد المنعم السقا