ما عندي كلام.
،
ما عندي كلام يعرف يوصفك يا طيبه
يا صدر دافي حنون من روحي قريبه
يا بايعه الراحه لينا مهما كنتي متعبه
يا مضحيه يا سخيه و حياتك واهبه
،
أمي يللي قلبك حاسسني رغم بُعدي
على حسب حالي دقته تسرع أو تهدي
مهما طلبت جوابك حاضر أيوه عندي
صغير أنا أو كبير تطبطبي و تودي
،
أمي يلي فرحتك لما أكون أنا فرحان
ودمعتك تجري لو تحسيني يوم تعبان
و لا أغيب عن بالك مهما يبعدني المكان
على راحتي سهران قلبك كما ددبان
،
أمي يا عين سهرانه و قلب دقه بيدعيلي
يا قمر في الدار يضوي ساعات ليلي
سامعه ندا قلبي و قبل الصوت بتجيلي
ليكي توصيه من الله في قرأني و أنجيلي
،
أمي ياللي دايماً تدعيلنا في صلاتك
ياللي علشانا ضحيتي بسنين حياتك
ع الوش راسمه ضحكه و مخبيه أهاتك
أننا نكون صالحين هي أغلى أمنياتك
،
طلبي من ربنا يطول عمرك الف الف عام
و يعطيكي صحه وبال صافي و أنسجام
و تفصلي كده شمعه تضوي الطريق قدام
و حصن يخبيني ويسترني لو تجور الأيام
.
عاطف حارس نور
