محروم ياحب بقلم / يوسف الحمله

محروووم ياااا حب

……………………

محروم ياحب فى الزمن ده

من إللى يحب فى الزمن ده

أهلك وناسك فاتو الحياة

وفاتولك أيه جرحين وآه

فاتولك ناس مبتقدرش

وعيون عليك مبتدورش

وقلوب ماتعرف همسه جميله

وبقيت ياحب غايه ووسيله

وبقيت إزاي عرض وطلب ؟؟؟

ولا ياحب لا . . لازم تعيش

ولازم هيجي يوم وتنتصر

مهما الزمان طال أو قصر

ويوم ياحب يوم ماتنطلب

برغم الألام برغم الغضب

برغم الصعاب برغم العبر

إصبر ياحب على البشر

وإلمس جواهم كاااام وتر

اُدخل ياحب على القلوب

وإغسلها من كل الذنوب

خليها تحلم تعيش لبكره

وسيبها ترسم بشفافها ذكره

خليها ترجع تانى لحياتها

وسيبها تودع زمن أهاتها

ممكن يخدوك أحلى الورود

أو ينقشوك أحلى الوعود

ممكن يشفوك حلم العيون

أو يوصفوك لحظة جنون

ماانت ياحب إنت . . . . . . .

إنت الجنون . . . . . . . . . . . .

والله ياحب إنت . . . . . . . . .

إنت الجنون . . . . . . . . . . . .

……………………………………

محروووم يااااحب

بقلم الشاعر يوسف الحمله

6/3/2015