أنا مش هخاف
بقلم تامر النقيب
****************
أنا مش هخاف
تروح قلوبنا الطيبه
ويبدلوها قلوب وكأنها مليون عجاف
ومش هخاف إنى أكون غلطان فى حُبك
الوجع جوايا من كعب رجلى للكتاف
ومش هخاف وهعلى صوتى بالهتاف
وهلم أخويا وإبن عمى فى اصطفاف
أنا ليه هخاف ؟ من إيـــــــه هخاف؟
مادام يطمنى أنا صوت الأذان
مادومت بكتب كل كلمه ع الجبان
مادومت بحلم إنى هغير ف الزمان
وترجعى تانى صبيه وتبقى العروسه ف الميدان
بكره هتزول المحن ومهما هيطول الزمن
قلمى هيصرخ والِشعر هيقول ع اللى خان
واللى مش عارف بقى يرسينا على بر الأمان
إعدل ياقاضى كفتك أصل هيميل الميزان
رسموك ِ يا أمى بتبكى ع الحيطان
ولا حد فينا لما ما ت كان مات جبان
الكل كان بيقول أنا نفسى بس يوم أعيش
نفسى أحس بإنى يوم ليا مكان
مش أعيش مظلوم وأنام أنا دايما جعان
هو إحنا ليه لما نقول الحق بينهم نُستهان
عشنا سنين مكتوفه أيدنا وإنقطع فينا اللسان
متقولش يوم فات الآوان
الحزمه مش متفرقه
والسجن هو الملتقى
نبض الوطن محبوس ومسجون غصب عنا
العدل فين فين الأمان فوقو بقى
إكتب وسطر ياقلم أوعاك تخاف
ياتعيش بروح حر وطليق
ياتموت وشِعرك يندفن
وبرضو ما تلاقى الكفن
إلا لو إتعدل الميزان
أنا مش هخاف وهعلى صوتى بالهتاف
وبكره جى وترجع السبعه السمان
وهيرحلو كل العجاف
تامـــــــر النقـــــــيب من مؤلفاتى وليس منقول
·
