خربشة بقلم / محمد قنديل

خربشه

=======

خرجت أتمشى يوم

ودماغى مأريفه

قلت أهرب م السياسه

وأخبارها المقرفه

بالمره أشوف وشوش

دون سابق معرفه

رجليا ما صدقت

على كرسى إترستأت

فى صاله مكيفه

قال لى الجرسون أوامرك

وناولنى ورقه فيها

أكلات متستفه

مكتوبه بإلانجليزى

أنا قلت ومالوا إيزى

هات حاجه محنتفه

أو أقول لك هات لى سلطه

مع فرخه مكتفه

لقيت إيدين شالونى

فى الشارع لقحونى

وسلامهم حملونى

شلوط مع كام قفا

والناس واقفه تواسينى

وتقول لى بالشفا

أتارينى جعان ونايم

وف بحر الفقر عايم

بردان حلمه الدفا

ياعقول متشحتفه

ورا وهم إسمه الجبايه

وما حدش قال كفا

مالكوش إلا الفقير

بتميلوا عليه كتير

ياحكومه مقشفه

قدامكوا لصوص حيتان

خزاينها مستفه

ولا إنتوا ما بتشفوش

وعيونكوا معمصه ؟

منكم لله وقادر

يقلبكم ع المسا

محمد قنديل